Afsana e Zindagi – افسانہ زندگی

کتاب کے بارے میں

افسانہ زندگی از سنہرا اسحاق ایک روحانی، فکری اور اصلاحی کتاب ہے جو قاری کو زندگی کی حقیقت، خود احتسابی اور اللہ  تعالیٰ سے تعلق کی طرف دعوت دیتی ہے۔ اب یہ مقبول کتاب اپنے چوتھے ایڈیشن کے ساتھ شائع ہو چکی ہے، جو اس کی مقبولیت اور قارئین کے اعتماد کا مظہر ہے۔

زندگی میں ایسے بے شمار لمحے آتے ہیں جب رشتے کمزور پڑ جاتے ہیں، دل اداسی، مایوسی اور تنہائی کا شکار ہو جاتا ہے، اور انسان خود کو بے بس محسوس کرنے لگتا ہے۔ چیزیں بکھرتی ہیں تو انسان بھی بکھر جاتا ہے اور انہی الجھنوں میں انسان اپنے بہترین دوست، بہترین ہمدرد اور حقیقی سہارا صرف اللہ تعالیٰ کو پاتا ہے۔ یہ کتاب یاد دلاتی ہے کہ دنیا عارضی ہے، جبکہ ہمیشہ رہنے والی زندگی آخرت کی ہے۔ اس لیے دنیاوی کامیابی کے ساتھ ساتھ آخرت کی تیاری، ایمان، توکل، صبر، شکر، امید اور اللّٰہ تعالیٰ کی محبت کو اپنی زندگی کا حصہ بنانا ہی اصل کامیابی ہے۔

مصنفہ نہایت سادہ، مؤثر اور دل نشین انداز میں قاری کو اس حقیقت کی طرف متوجہ کرتی ہیں۔ روحانی کتب، اسلامی فکر، اصلاحِ نفس اور اللہ تعالیٰ سے تعلق مضبوط کرنے کے خواہشمند قارئین کے لیے افسانہ زندگی ایک لازمی مطالعہ ہے، کیونکہ افسانۂ زندگی کی حقیقت صرف اتنی سی ہے کہ دنیا کی ہر محبت فانی ہے، مگر حقیقی محبت صرف اللہ تعالیٰ کی محبت ہے۔